| |
TIKICH AINIAJAISHA PACHINTSA PUJUT
Ju aujmatmaunmaka, perunmania ainiaka eakaruiti ju tikich pujut ainia nu tikich pujutjaisha ashi metek ati tusar. Turasha ju takata juka pujut nukapajuigka pegkerchauwaiti, urukamtai ju pujut nukapea juka yakit shuarsha matsatkausha nunasha ashi nekamain asamtai.
Ju Latinoamérica tutaynia juigka idigenaka 40 millonesnasha nagkawai. Nunia asamtai americaka wantiniawai pujutcha shir nukap, chichamsha nukap. Juniayaitak matsatkau ainiaka senchiri emegkamainaitak nita pujutrin emematas matsatenawai, nunia asar takat emamunmasha shir émain ainiawai.
Juinka pegkeraiti nékamu tukit “pujut nukapeanusha” nuiniasha “tikish ainiajaisha yapajiasa pujutcha”, juka yama nagkamsar tajnuka nekamu urutmak pujutcha ju Estado tutainiajuisha aa, turasha juka ashi tikish ainia nujai metek emajsataj tutsuk. Tura tikichia nuka aujmateawai pachintsa pujutan pujut chichamrakur, nuiniasha chichamsha umiamusha tikish indígena ainiajaisha turashcursha tikish ainia pujutri tikish aniajaisha ju pais tutainia juisha.
Tikich ainiajaisha pachintsa pujuta juka waitiya nuninaiti, ashi matsatkau ainia arantuniasa pujusármi tamaunam. Juka tikish ainiajai pachiniasar pujuta anentaigka weatsui tikish ainiajai shir chichamjaichau matsamsati tamaunmaka, junisaitkugka umimainchau najanamainaiti, juka tawai tikish ainiajai shir pachiniamu, juka taji, ii urukukitaj nu epematsuk, urukamtai epémakrika tikich pujuta nu emegkamain asamtai, tura asamtai, uramainiti chichamu tikich ainiajai, juna pujuti nekarar nitanusha pujut pegkeranusha ashi nenkarar inia anentai yapajia isar isha unuimaki wemainaiti. Ju pujut nukapeajuka ika takamainaiti sir nekatsar urukukit pujut nukapsha emegkatsuk. Jutikas, ju piloto takat “Pueblos Indígenas y Desarrollo Sostenible” tutainia juka juawai tikich ainiajaisha pachintsa pujut takatan, nuiniasha tukit anentaisha nunasha nutikas, juka turak egawai pujut najaneamun nuinia ju pujut nukapea ju émematsa iyamun, turasha juka iruntsa unuimamain turakur jeamainaiti ashi matsátkau shir nitanun kuitamsar émeamu, nuiniasha ashi ju matsatkamunam, estadonmasha, juka nuiniasha yaimiawai shir kuitamsa takamunam, ashi metek chicham tunaisasr iwareamunam nutikakur perunam matsatkau ainiasha émkarti tamaunam.
|
|
