WETSA JUNIBOBETAN JASKATAX IITI
Ramanmaberesiki Perukan benabenaberranke jauskaxonkin nato cualturabo keyoti ixon. Jaskarra ikaxrra ike kikin unas iiberanke icha jonibo wetsa keska axeyabo kopi.
Nato non Linaamericanriki jake noa keskajoniboan kai chusko warranka (40 millones) joninbo, jaborriki meskokeska axeya jonibo. Jaa joniborra jake jakomaninshoko, jaskarra ixonbirra akenke jaton axe shinabenoyamai , jaskarra kopiborra aki iikanai proyectobo desarrollo sostenible akin.
Nenorra en akasai jishti akin nato “muticulaturalida” betan “interculturalidad” jaskaxon jato unamanoxon jaskaxonra jishtia jaa non reken yoia jaarriki non onantin itanrribi non shinanti wetsa noa keska joniborribi jaa westiorra Estadonxon wetsa keska axeya jonibo, wetsa riki, yoiyai jaskatax wetsa jonibetan itanrribi wetsa axeya jonibobetan jakonax jaati non regioainaox.
Nato itenterculturalidaninra noa oimai itanribi noy onamai jaskaxon non diversidabo ati oinkin jakon akin wetsa jonibobetan. Nato interculturalidad noa kikini jakonax jati yoira iamai wetsa jonibobetan, nato jawekirra itiki uchoberes, nato iterculturalidaninra acasai jakonax jati akin wetsa jonibobetan. Jaskarra ikax, iamai noa bichokeskati, non kayarra benati jake jaoskekataxyaki noa jato betan jakonax iti ikax, jaskaxon kayarra non unanai jaton axekeska jawekibo non jato mea unanai itanrribi jaton noa mea unanai, Wetsa join birri aka non kaya ati jake diversidad jaweki non unana iti jake noa jayata meskokeska jawekibo, jakomananaxma jakon shamanki akin jaskataxkaya non axe jawekibo noa shinanbenotima kopibo, jaskataxyaya non onan shinanbo noa axetikopi wetsa jonibomeax itanribi jatorribi non meax axetikopi. Jaskataxkaya nato proyecto piloto Pueblos Indígenas itanrribi Desarrollo Sostenible akasai yatanki nato interculturalidad, jaskatax jan teeti kopi itanribi jaskataxkaya non axebo wetsaboan onanti akin itanribi non axebo wetsaboan onanti kopi jaskaxon jatibi wetsa keska axeyabo joniboan desarrollo sostenible nokoti kopi jasakarra riki non benai nato paisainko.
|
