PACHIMDAISA IJUNTSA BATSAMAT AUNMATBAU

Ju dekas aunmatbauwa jui diyamak kuashat menkaja wegaji ina nunken batsamin audautik, tujasha yabai nagkamsa takasa wegamua nuin duka nunikaik menkaenakchati tusa tabauwai, wagka duka maki makichik aents, batsamin aina duka shing pegkejai tikish nugkanmaya aidaun nunak eme anentus dii nawai, anin asamtai yamaik dekas shing kuitamtaikamu amainai tabau awai.

jù amerikanmak ashi inia chichamtin aina duka awai 40 milllones aents aidau,nù diyamag shing kuashtai dekas  dita pujutjin iwainmamak batsataidauk, antsan dita chichamenishkam.

Nù amerikanum inia aidau batsamin aina duka dekas shing waittanum batsamin ainawai,nunin ainakush ditak dekas shing iwaitmak  dita chichamenak datsamkas  batsatuinawai,nuwai dekash pegkejak shing takasa wetatamauwa nuishkam datsamkas inia anenmamsa takaku batsamaina duka.

Nù tabaunmak shing pegkejai de kash kuashat  eants aidauti ijuntsa pachimdaisa batsamak aunmatbauwa nunuin, duka  dekas tikichish batsatuapita tusa ajandaisa niniamu amaina dui, nuniaku dekamu amainai ina ayamjutpau apash aidau umikag wena dushakam, nuniak ayamjumak batsamain ainawai.

 Ju aunmatbau awa duka dekas pegkejai wajukekuin makesh ijuntsaoish matsamainkita tabaunum, dekas anik ijunas takas shing ditashamak emki wemainai tabau awai, tikish aidaujaish ijunag takash itunchat ajuinamash chcichash emegkeawag takamain ainawai tuinau asanmatai.

Agtsain unuimamainai tikish pujut aentsdau aina dushakam aniaku mai dekau amainai jimang pujut apatka unuimau asa.