AJEVATANTYARI OTZIMATYE AMITAKOTAY

Aseikika Iroñaka, kipatsiki ikovajetake iyotero ikenshiriari paisatzipaye ejatzita tsipaita jantayetziri, kemitacha antzirori ovakerari shiyakomentotsi, arakomentsotsi, ejatzita avintantzinkaripaye, potsotzinkaripaye  ejatzita pashini. Iroka añaventziriri ayotaneki tekerata okametsaperoteta kantakantziro aseikika  tekatsi avantyari.

Aparonipaye paitaka te aviantarori asekinta anampikipaye, tzimatsi asheki  atziripaye kemitacha, entsi, evankari ejatzita antaripaye te iyote isankenate, tzimatsi osheki matsariporokipaye kantakantzirori te iroyá kametsa, ejatzita kantakantzirori  kemitacha asháninkapaye jevakántzirori  inampipaye tekatsi iranté.

Ejatzita, akantajetsi te okametsate antapintziri paisatzipaye ejatzita iñanepaye akantsi irotake te ashokantari, iroka añavaitakeri akenakastakaro kantakantzirori te ayotanekite.

Añavaitakeri inkaranki añake kametsaini, tsika ikantavaita ashakari ashaninkapaye  seikatsiri amazonasky, chori ejatzita virakocha. Apararopaye, pashini okanta  tzimatsiri osheki iyotaneki paisatzipaye: avisatsiri pairani, tsika ikanta iseikapinta pairani, rantapintziri, ramanapintziri, imiamiate, seikatsiri asankanekipaye  yotaneri paisatzipaye, antzirori antamipaye ejatzita tsimeripaye, kemitacha maaroni kipatsipaye. Maaroni añakeri tsiká okanta avishimotey okanta koñaroiteni okantavaita, osheki  nampitsipaye iseikinta janto virakochaki.

Maroiteni atziripaye ashanika pashini nampitsiki  virakochaki ikantavaita iseikinta irotentsi ipiakotero tsika ikantavaita iseiki pairani antyashparipaye ejatzita tzimatsi kapicheni antavaintantyari kantakantzirori  avishi tsankini osarintsi,  kametsatachari  ikimoshiriventitziri  te  impiakotero tsika okanta añantari pairanipaye kemitacha jantapintziri paisatzipaye, aririka impiakotakero tekatsi ankenakairo ayate amene atziripaye amitakotay  ashokantyari, ajevantyari anampitsite ejatzita akanta aseiki kametsa.

Tsika ikanta ijevatakairo inampi seikatsiri pashiniki nampitsiki, akantero maroiteni iyoteytakero tsika ikanta iseiky pairani paisatzipaye  ejatzita iyotanekite maaroni atziripaye ashaninka,  ikantzi pashini atziripaye ikovi ijevatakairo apaniroini inampi,  tzimatsi pashinipaye atziri  kantakotzirori avinanka  antzirori ishtovatsiri ovakerari ashararo  ejatzita iyotaniki asháninka. Tzimatsiri iipatsite  paisatzipaye ejatzita tsika ikantavaita irañantari pairani paisatzipaye irotake aparopaye avotsi ankene ajevatakairo anampitsite, tekatsi amitakotay otzimatye ashtovakairo intsomointa asankaneki. Ejatzita ari atzimanake kapichepatsay paitarika amitakotantzi, kemitacha ayotantyari tsika okantavaita aseiki asankenatakota maaroni nampitsipaye, ejatzita iyotakotakay maaroni nampitsikipaye akanta maaroni ashaninkapaye te aseiki kametsa anampikipaye kantakantzirori te ayote tsika ankene ajevatakairo anampipaye maaroni kipatsiki aseikinta. Akantero, maaronipaye virakocha jevatakairo anampi  te rapototakanteri maaroni atziripaye ashaninka okantantyari añavaite tsika akanteroka onkene ajevatakairo anampiki  antantyari paitarika kovityatsari anteri, onkene amitakotey  maaroni, ejatzita iñavoyporokitzi  tekatsi ashaninkapaye yotaniri  asampitantyari  paita ikovajetziri pishaninkapaye.

Jaka anampitsite aseinkinta maaroni  otzimatye jevatakairori  anampiki  okanta ajevate anampitsiteki  ashaninkapaye,  aijatero iyotaneki  añane ashaninka IAA.   Otzimatye akinshirero, ejatzita, tsika okantavaita aseinta maaroni ashaninkapaye amazonikopaye ejatzita choripaye,  pashinipaye atziri seikatsiri pashiniki nampitsiki te okantzimoteri kametsa, te maaroni te okametsashireri, tzimatsi ejatzita atziri ikamethashiritzi tsika ikantavaita iseiki ashaninka inampipaye. Apatotero irotake akoviri ayotajeteri tsika akantavaita aseiki anampiki ajevantyari ayotanekite,  Okantyarori amashirenka aseikantyari kametsa anampiki <<iseikantari virakocha>>  aipatsite. Atsonkantyari, irotaka antziri  ayometantatyari, otzimantyeri yotaniri pinkatsaripaye  jevatakairori  anampipaye.