AMENAPINTZIRI ASEINKINTA ANATAMIMASHI EJATZITA IYOTANEKA PAISATZI

Amenapintzira aseinkinta maaroni añantari: oshekipaye inchashi, tsimeripaye ejatzita ovainintsi, tsika ikantavaita ishoki ejatzita maaroni aipatsite ari okaratzi. Jaka aipatsite aseikinta, aseiki okametsatzi kipatsipaye nampitsiki Sudamerika, ikovaveta otzimashita irañantari  okanta masavirini  ejatzita kajarini,  okantavetyata okantavaita oporokayetaka aipatsite,  pomerentsitake onkene oshiyata iseinkinta shimapaye ejatzita ari otazonkanake antaroite tampia, kantaperotavaitanake aseikinta inkiteki, kipatsipaye ejatzita añantari piratsipaye kametravaitanake. Irotaka akantantari, nampitsika aseinkantari  iyotakotakay pashiniki nampitsiki aaka atzimi osheki kipatsipaye iseikantari piratsipaye, inchatomashipaye, shimapaye, kirekipaye, aaka anaakotakari maaroni nampitsikipaye. Tzimatsi osheki inchatopaye ejatzita piratsipaye, iroka akantakeri tekatsi añé pashiniki nampitsiki. Nokantavakemita piyotantyarori jaka aipatsite aseikantari tzimatsi osheki  ivanko piratsipaye iseikantari aviratsite aretaka 80 %  ipiyotaka, ejatzita tzimatsi 28 okanta okaratzi 32 okantaporokivaita anampi.

Iroka añaventziri piratsipaye atziripaye iñakero kametsatake inampitsite iseinkinta, irotake irañantari kiteytiripaye avisatsiri maaroni iratzirite seikatsiri inampikipaye, iroñaka, ejatzita iseikantari antamiki, ishoki, ikanta iseiki inampi, tsika ikanta jayi kireki ejatzita yotaniri ikantakotakay tsika opinata maaroni aseikantari okanta aipatsite akantero kametsarini okanta maaroni seikatsiri aipatsite, okantantyari ankene ayete ajevate amenantyari paitarika añantantyari aseinkantari. Irotake asankenatantakari apatyavakantantyari pashini nampitsikipaye, anampi okakini ejatzita maaroni nampitsiki aseikantari okantantajiari amenero tsika ankantakotziro ejatzita amenero okantyata oseiky aseikinta kametsa añantari.

Aparopaye iseinkantari, amene  apaniroini paitari yantayetziri irañantari inampiki, te impiakotero amenantyarori okametsatantyari maaroni tsika okantavaita inampi ejatzita tsika akanteroka aseikantari, irotake akantantari otzimatye akanteri  ejatzita avetsike iitoki yotantzi maaroniki atziripaye,  tsika akanterorika  okametsatantyari  ejatzita kinshiriantzi okanta otzimantyari  kapicheni avisatsiri kariperori aipatsite ero osanariakotantyari aipatsite ejatzita seikatsiri anampikipaye.

Ejatzita, maaroni <<yotanetantzi paisatzipaye>> irotake aviakojetziri pokatsiri ejatzita avisatsiri. Antajetziri pairanipaye atsipatari nampitsipaye ejatzita nampitsiki ashaninka akantero ipatsite iseikantari,  tsika ikanterorika iseikantari ipatsite aparopaye iseikika aparopaye nampitsiki. Iroka yotaneki te ashtarori aparoni  ejatzita te ashtaro aparoni atziripaye. Amperi atziripaye kovatsiri iyote kiteytiri. Te antero, yotanekiripaye ejatzita tsika ikantavaita iseike ashaninkapaye inampiki  otsimatye iyoteiteri ari ikantapintari ipoki iyotaneki ashi pava ejatzita amenajetantyari kiteypayte, yotaneki ejatzita seikatsiri apotoyetaka inampiki. Iroka yotaniki ayiro maaroni añantari, ikantavaita irañantari, ivetsikapintari, avisatsiri pairani ejatzi tsika ikantavaita ikenshire paisatzipaye.