ANTAJETERI

Antavaitakayeri onkene ajevate apaniroini aseinkinta nampitsiki amazonika ejatzita chori jaka kipatsiki maroiteni, avisakero kariperori ñantsi avisatsiri jaka aseikinta tsika okantavaita iseiki irañantari paisatzipaye ejatzita amenero tsika akanteroka otzimantyari airekite, otzimatye anintero tsika akantavaita aaka ejatzita iyotaneki  paisatzipaye.

TSIKA ARETYA

 Apani Entanakaro.

• Ayometeire evankaripaye pokatsiri nampitsiki ashaninkas amazonikas, aririka itsonkakero iseinkinta ipaitziro yotanetantsi, impiyatye ipokinta iritake ijevakanterori inampitsite, amenero tsika akanteroka antavaite añantyari.
  
  
• Athonkakatyeri isenkinta iyotantari, iramenatyeri yotaniri ikamethashiriteta, iramitakotajeteri iyotantyari ijevate apaniroini ejatzita iriperoteta ashaninkapaye.

 Apite Oijatzirori.

• Ampatyeri yotanentsi evankaripaye ashaninka, otzimatye oijateri tsipaita iranteri, ikinshiri iyotantyari ikinshiri apaniroini ejatzita iriyate iranakero iyotakeri  inampitsite ipokinta, aritake ipakeri paita iyotziri ishaninkapaye iyoteta tsika akanteroka ajevantyari kametsa.
  
  
• Ero apiakotziro añane,  otzimatye amene evankaripaye yotaperotziro iñane, isankenate, iñanate iyometanteta pashini kovatsiri iyote añane, ejatzita avetsike asankenatero tsipaita antajetziri avakotero.
  
  
• Ayometantatyeri evankaripaye, yometantzinkaripaye ejatzita maaroni atziripaye  kovatsiri, ayometeri añathavaitakaira tsika ikantavaita irañantari ashaninka, añavaitakayeri añane, ampakoteri ayotane ojevantyari anampitsite ashaninka aseikantari.