¿TSIKA APAITAKA?

Nampitsi ashaninkapaye ejatzita ashokantyari otzimatye amitakotay ipoki irantavaitzi jaka anampitsite asankenatakakero okantantyari ayate jenoki atsipatakari Universidad Nacional Mayor de San Marcos anampitsite aseikantari ejatzita Universidad Saskatchewan seikatsiri pashiniki nampistsi Canada.

Iroka otzimatye akamanteri ayatatye  ajevate ejatzita ayatakayetero ajevataka asankenatantakari atsipatakari pashini nampistsi, añantyarori tsika akanterokaka amenantyariri evankaripaye seikatsiri anampikipaye tekatsiri irekite amitakotantyari maaroni pokatsiri intaina ñavaitatsiri iñane,

...ari intsonkakero jaká nampitsikiki iyometeiteri yotanentsi, iritake piyanchari inampistsite iyometantajiari pashini ishakinkapaye ejatzita ipantyari iratzirite seikatsiri inampikipaye ikantyari iseiki irañantari kametsa, ero ipiakotero tsika ikantavaita iseikapinta irañantari tsipaitaí iyotziri entantakarori otzimatye amenero tsika akanteroka pankirentsipaye ayero kametseini irotake avinteiri apata.

Ijevantyari iyotantyari evankaripaye seikatsiri jaka nampistsiki aaka amenero tsika akante apanthari kametsarini yotanentsi ejatzita iyotane iranakityero inampiki tsika ipokinta ari irantavaitero tsipaitaka iyotake, iramenantyari tsika akanteroka ajevantyari anampiki aseikantajari ontzimeta antavaitantyari irotake añantantyari. Ejatzita amenero tsika akanteroka ero apiakotantaro añane tzimatsiri anampiki aseikantari, akamante maaroni atziripaye, nampitzipaye añane. Otzimatye opototya añavaitantyari tsika akanteroka amitakontantyari ashaninkapaye seikatsiri inampiki.